منتدى الفتيات Index du Forum منتدى الفتيات
منتدى يهتم بشؤون الشباب العرب
 
 FAQFAQ   RechercherRechercher   MembresMembres   GroupesGroupes   S’enregistrerS’enregistrer 
 ProfilProfil   Se connecter pour vérifier ses messages privésSe connecter pour vérifier ses messages privés   ConnexionConnexion 

إلا انــــــــــــا<<خيااله والي ما تقراها فاتها عمرها كله

 
Poster un nouveau sujet   Répondre au sujet    منتدى الفتيات Index du Forum -> التسلية والترفيه -> القصص الواقعية والمؤثرة
Sujet précédent :: Sujet suivant  
Auteur Message
sosokati
Administrateur

Hors ligne

Inscrit le: 14 Juin 2008
Messages: 398
Localisation: bcp
Féminin

MessagePosté le: Dim 24 Mai - 12:14 (2009)    Sujet du message: إلا انــــــــــــا<<خيااله والي ما تقراها فاتها عمرها كله Répondre en citant

.. بسم الله الرحمن الرحيم ..


(!!ــ إلا أنـــــــــــا ــ!!)
للكــــــــــــــــــــــــــاتـــــــــــــــــــ ـــــــــــبــــــــــة::
(أحــــــــاسيس ... و... جــــــــــروح)


أتيت بـ ((((!!ــ إلا أنـــــــــــا ــ!!))))
(((كل الرومنسية)))

قصة تحتوي على اجل المشاعر ... واصدق أحاسيس .. وأعذب شعور ...
هذه القصة ... تحتوي على أجمل ما في الكون .. وهو مشاعر التي يكون سرها في
الحـــــــــــــــــــــــــــــــــــــــــــــــ ـب ...
أحببت أن اشكر صديقاتي العزيزات (بدور وإيمان والجوهرة ونورة ولمو)على دعمهم المتواصل لي ... لأن هذه الكتابة أتت من بعد تشجيعهم ودعمهم لي... ولا أنسى أن اشكر أكبر من شاركني بأقوى دعم بأحلى كلماتهم ... أختي(مرام) ولا أنسى أيضاً ماما,,, لكل ما فعلوه لدعمي إلى هذا النجاح ... وادعوا بخالص دعائي أنها تنال إعجابكم ...



(((((!!ــ إلا أنـــــــــــا ــ!!)))))
(((كل الرومنسية)))
الجزء الاول.....


ميساء:: (( عمرها 18سنه.وهي في ثلاث ثنوي .. حلوه .. عيونها عسليه .. تجنن.. جسمها خيال ... نحيفه .. ولها شوي خصر ,,, شعرها يوصل إلى نص ظهرها .. بني غامق .. قصتها تجنن .. مهبوله.. رجه.. الكل يعرفها ويعرف هبالها ... من وهي في المتوسط الخطاب على بابهم .. بس هي ما تبي .. لانها باقي صغيرة وكمان تبي تكمل دراستها ... ميساء فارسة احلام الكثير من الشباب ... اما في الشكل .. او في القلب .. لان قلبها كبيييييييييير مره .. لا تعرف تكره ولا تعرف تحقد .. او كمان في نسبها .. لانها من عايله غنية .. ولا كمان من شخصيتها المرحه .. ميساء مو قصيره ولا طويله .. حلو طولها ... وجسمها مثل عارضه ازياء.. لونها ابيض على لمعه برونز .. خدودها زهر ومع الشمس والعتب والصياح تصير حمرا.. حواجبها مرسومه رسم من ربي رموشها طويله وكثيفة خشمها نحيف وحلو)<عاد تخيلوني عاد..




قمت من على الكنبة وانا احس بجسمي منهد .. قمت للمطبخ أدور شيء أكله .. الكل نايمين.. الا انا ... اصلا ليش انام بدري واليوم خميس ؟؟؟ .. والله حاله.. رحت للمطبخ فتحت الثلاجة ... لقيت بايسن وكيك ... أخذته .. يوووه لو تدري هيفا إني اخذت من كيكها بتقتلني.. صح انا الكبيرة .. بس ياويله الي ياخذ من كيكها .. وخاصة الي تسويه علشان صديقاتها .. بكره هي بتروح لهم .. وانا ما ابي اروح لأنهم اصغر مني .. صح هم يحبوني ويبون اني اقعد معهم بس.. انا ما استانس كثير معهم... طلعت من المطبخ ... بروح اقعد على النت شوي .. فتحت النت وصرت اشيك اذا نزلت أحاسيس وجروح الجزء ولا باقي ... أخيرا نزلته .. بصراحه .. مره حبيت هالقصة .. واسمها عجبني مووت .. رومنسي.. سرقتني من بين هم السنين .. وخليتني في قلبك سجين .. كيف اختارته؟؟ حلوو مره ... صرت اقرا البارت .. وبعد ساعة دخل علي اخوي أحمد ...

(أحمد ... أكبر مني بثلاث سنوات .. عمره 21سنه .. هو اكثر واحد من اخواني يسولف معنا ... حلو مررررررررررره .. لونه حنطي .. عيونه سود وفيها لمعه جاذيبه تجنن ... جسمه حلو... لاهو طويل ولا قصير.. نحيف ... شخصيته حلوه .... يحب يطلع من اخوياه طول الوقت ....)

أحمد:ميساء انا كل ما ادخل البيت اشوفك على النت... خفي شوي ..
ميساء وهي تناظر الكمبيوتر:وعليكم السلام .. الحمد الله بخير..
احمد:ههههههههههههههههه .. يعني لازم ...
وانا الف عليه:والله انت حر .. بس انا عندي لازم ...
احمد:هههههههههههههه اوكي سلام عليكم ..
لفيت على الكمبيوتر:...
احمد:توك تقولين لازم ..طيب ردي..
ميساء:لا انت في وسط الغرفة.. روح اطلع وارجع ادخل..
احمد:ههههههههههههههههههههه ميساء مالي حيل ..
ميساء:وانا ما بخليك إلا اذا قلتها ..
أحمد:طيب اذا ما قلتها .. ايش بتسوين ؟؟
ميساء:مافيه نوم ..
احمد:هههههههههههههههههههههههه مشكلتك انك دلوعه بابا ..
وطلع ودخل مره ثانيه:السلام عليكم...
لفيت عليه وكأني اول مره أشوفه:وعليكم السلام ..
ورحت أنط عليه واضمه.. وابوسه على خدوده :وحشتني يا دب .. حشى ما نشوفك في اليوم الا سنه..
احمد:هههههههههههههههههههههههههههههههههه ميساء كأنك اول مره تشوفيني.. هههههههه فكيني ..
ميساء:ههههههههههههههه ايش اسوي اشتقت لك...
احمد:طيب ايش قاعده تسوين ؟؟؟
ميساء:على الروايه..
احمد:ميساء انتي ثلاث ويبلها تشدين حليك..
ميساء:ههههههههه ضحكتني .. المدرسه بتساعدني.. واذا ما اخذت نسبة حلوه .. بابا بيتوسط لي..
احمد:لا والله واثقه..
ميساء:هههههههههههههههه انت تعرفني .. اني اذاكر واخذ درجات حلوه ... وحتى اذا ما ذاكرت اخذ درجات حلوه .. تتذكر السنه الماضيه ما ذكرت واخذت 95%..
أحمد:الله يخلي الغش..
وانا اروح اقعد على الكمبيوتر:لا حرام عليك والله اني ما غشيت الا في امتحان الأحياء,,وبعدين ليش اغش واخذ سيئات علشان نسبه مو مهمه في حياتي؟؟؟
احمد:ههههههههههههههه
وراح قعد قدام التلفزون:وانتي ما شاء الله عليك لازم لكل سؤال جوابين..
ميساء:هههههههههههههه ايش اسوي ؟؟؟ اقول احمد من وين جاي؟؟
احمد:من عند الشباب ..
ميساء:مين هم؟
احمد: سطام وعبد الملك وماجد .. والباقين.. ليه؟؟
ميساء:لا بس اليوم جاي بدري..
احمد:ليش زوجتي وانا ما ادري؟؟
ميساء:ههههههههههههههههه يمكن ..
احمد:لا بسم الله على زوجتي .. تطلع كذا مثلك مرجوجه .. بطلقها من اول يوم ..
ميساء:هههههههههههههه حرام عليك مو من اول يوم ... من ثاني شهر بعد شهر العسل ... خلها تطلع من جو اهلها الكئيب ..
احمد:ومين هي؟؟
ميساء:زوجتك ..
احمد:وش دراك ان جو اهلها كئيب ؟؟؟
ميساء:والطيور على اشكالها تقع..
احمد يرميها بالمخده:يالتبنه ..
ميساء:هههههههههههههه اااااااااااااااي... وجع ههههههههههههههههه
احمد:ههههههههههههههههههههه طيب خلاص لا تضحكين...
ميساء:هههههههههههههههههههههه
احمد:ميساء مافيه شيء يضحك ..
ميساء:ههههههههههههه تخيل شكل زوجتك الكئيبة ..هههههههههههههه
احمد:ههههههههههههههههههههههه ترى ما اسمح لك ..
ميساء:هههههههههههههههههههههه عاشوا..
لفيت على الشاشه ...
وصرت أقرأ..
أحمد يسمع صوت صياح .. ناظرني ومات ضحك:هههههههههههههههههههههه ليش تصيحين ؟؟؟
ميساء:مالك دخل ..
احمد:هههههههههههههههههههههههههه والله انك شيء..
ميساء:احمد خلاص...
احمد وهو يكتم الضحكه: طيب ..
وشوي سكت .. وناظرني وانا باقي اصيح:ههههههههههههههههههههههههههههههههههه
ناظرته وشفته يضحك من قلب.. ضحكت معه..
احمد:ههههههههههههههههه انا اضحك عليك ..هههههههههه انتي ليش تضحكي ههههههه
ميساء:ههههههههههههههههه عليك.
المهم سكرت النت وقعدت بجنب احمد وصرنا نسولف الى الساعه 6 الصبح..
احمد:الله لا يوفقك ..
ميساء:ليش.؟؟
احمد:علي دوام..
ميساء:لا تروح..
احمد:ايه وهذا الي يصير...
ميساء:ههههههههههههههههههه بكره جمعه مافيه دوام يالثور..
احمد:ههههههههههههه والله اني ما انفع اكذب عليك.. بطلع مع الشباب....
ميساء:قود نايت ..
أحمد:قود نايت ..
ورحت لغرفتي .. وسكرت الباب وراي ..
وأحمد نفس الشيء ... وراحت بدل ونام..
على الساعة 11 ونص دق المنبة للجوال..
قمت ورحت لغرفة احمد وقومته .. وراحت للمسجد ..
الكل تجمع على الغدا ...
هيفا:ماما فيه احد ماخذ من كيكتي.. مين هو؟؟

(((هيفا: بنت في ثاني متوسط ... حلوه تشبني .. بس طبعا انا احلى .. هيفا شوي سمينه ... سمرا.. خشمها شوي كبير .. عيونها سود .. تحب تطبخ .. وتحب شغل البيت .. دلوعه .. شوي قصيره .. شعرها اسود على كتفها ... عندها مرض القلب..)))


ميساء:كح كح ابي مويه بروح اخذ من المطبخ ..
الكل ضحك عرف اني الي اخذت ..
هيفا:ميسااااااااااااااااااااااا انتي الي أخذتي من الكيك صح.؟؟؟
ميساء:ايه وشكرا يا اغلى اخت ... من جد انتي طباخه ماهره ... ويدك ما شاء الله عليكها تنقط عسل ..
هيفا:ماما شوفيها ..
عبير(الام):ميساء حبيبي ليش اخذتي من حق اختك؟؟

((عبير:::الام .. حنونه على الكل.. مربيه اولادها على الدلع والادب .. تعطيهم الي يبون ... تحب تسافر مع زوجها..((الي هو بابا)).. وانا طالعه عليها .. وماخذه شوي من بابا من ملامحه ... يعني من الاثنين انا طالعه ... علشان كذا انا احلى من هيفا الي ماخذه من ماما كل شيء... ماما ما تقعد في البيت .. مستحيل ... يا تسافر او عند صاحباتها .. او عند الاجتماعات))

ميساء:ماما كنت هانقري ... وشفته وكان شكله دلشز .. وخذت قطعه صغنونه ..
هيفا:مالي دخل سوي لي وحده جديده..
ميساء:ههههههههههههه ان شاء الله .. الحين تبيني ادخل المطبخ علشان اسوي لك كيكه.. لا حبيبتي المطبخ بس للأكل الجاهز واشوف ايش فيه ؟؟ وبعدين انتي ما حتخسري شيء.. قطعه صغيره ..
هيفا/مالي خص.. ابي كيكه .
ميساء:خلاص بعد الغدا اخلي ناصر يجيب لك..
هيفا:انا باخذ ناصر(السواق) بروح السوق..
ميساء:خذي سواقك حبيبتي .. ابعدي عن سواقي..
احمد:هههههههههههه زوجك هو؟؟
ميساء:هههههههههههههه ايش اسوي ؟؟ حقها السواق مستريح .. وتاخذ حقي.. لك حقك ولي حقي.. احتاجه انا ترى ..
عبير:طيب هيفا وين حقك؟؟
هيفا:السيارة موحلوه.. سيارة ناصر احلى..
ميساء:الحين سيارة ناصر .. قولي سيارة ميساء طيب..
شوي دخل بابا.. كلنا سكتنا ..

(((بابا:: اسمه عمر له شركات ومكاتب ... ويشتغل في العقارات وتموين والتعهدات .. كبير في السن .... يدلعني اكثر من هيفا ... مرررره فري.. دايم يسافر.. وبعض الاحيان يسافر مع ماما.)))

عمر:خير وش فيكم ؟؟؟ اسمع صوتكم ..
هيفا:بابا ميساء ماكله من كيكي..
عمر:طيب يا بنتي عادي ..
هيفا:هالكيك لصديقاتي مو للبيت..
عمر:خلاص بشتري لك واحده ثانيه ..
هيفا:ايه كذا زين.. ميساء واحده .. وانت الثانيه..
عمر:هههههههههههه الي يسمعك يقول مو شايفين خير..
أحمد:هيوف طول عمره كذا .. طماعه .. الفلوس تخبيها ..
هيفا:ايه المثل يقول.. خبي قرشك الابيض ليومك الاسود..
احمد:الابيض مو الملونه ..هههههههههههههههه
وانا علشان أغيضها:هههههههههههههههههه كفك كفك ..
ويعطيني احمد كفه ونضحك على هيفا..
شوي يدخل سعود ..
اخوي الكبير.. البكر..

(((سعود:: عمره 29سنه متزوج من بنت عمي أسماء ,,, ووهي الحين حامل بالشهر السابع .. جدي .. اهم شيء الشغل وزوجته.. بيته قريب من بيتنا .. الجدار بالجدار ... يشتغل مع بابا بالشركات والمكاتب .. يده اليمنى في كل شيء .. بابا مايسوي شيء إلا اذا شاوره ...)))

سعود:السلام عليكم..
الكل:وعليكم السلام ..
ميساء:هلا سعود كيفك ؟؟
سعود:على ميوسو انا الحمد لله بخير.. وانتي؟؟
ميساء:انا بخير ..
سعود:الحمد لله.. كيف الدراسة ؟؟؟ سالت الخدامه تقول انك امس سهرانه ..
ميساء:اممم ايه سهرانه ..
سعود:ذاكرتي؟؟
ميساء:نو.. أي واز ريد استوري..
سعود:واي ددنت يو ستدي؟؟
ميساء:سعود والله طفشت من المذاكره حرام عليكم ..
سعود:ترى لك هديه اذا جبتي النسبه الي ترفع الراس ..
ميساء:مشكور..
هيفا:وانا؟؟
احمد:انتي لو صرتي ثنوي تكلمي..
هيفا:ماما..
عبير:اخوانك يمزحون معك..
ميساء:اصلا كيف تحطي راسك براسي يالبيبي..
هيفا:انا بروح انام.. باي..
بابا:تعالي بعد شوي الغدا..
هيفا:مابي.. باي..
وراحت لغرفتها ... زعلانه ..
أحمد:زعلت؟؟
سعود:خلها بتراضا بعدين..
المهم كملنا سواليفنا ... وجات الخدامه تقول لنا ان الغدا جاهز..
وقعدنا على الطاوله..
وتغدينا ... وبعد الغدا.. الكل تفرق.. انا طلعت فوق ابي اكلم صديقتي .. واعز واقرب وحده لي.. والي اقرب من هيفا لي.. (( خوله)).. خوله تصير معي من وانا سادس ابتدائي ..

((خوله:: حلوه .. بيضا بس اسمر مني.. عيونها سود .. شعرها اسود .. ناتفه حواجبها .. نحيفه ... مثلي تقريبا.. تشبهني في التصرفات ... طولها مثل بس شوي عريضه من تحت..)))
إتفقنا نروح للتحليه.. على فكره انا حياتي في التحلية .. طول الوقت هناك ولا في العليا.. ولا طرق الملك عبد الله .. وطريق الملك فهد .. يعني نتميلح ونستعرض
انتهى الجزء الاول بسلام
احداث بتحدث تغير مجرى الابطال



الجزء الثاني...


على الساعه 4 العصر
دق باب غرفتي..
فتحت الباب.. شفت هيفا واقفه ولابسه عبايتها..
ميساء:هلا هيفا ..
هيفا:ميساء وين كيكتي؟؟
ميساء:والله ما اكلتها..
هيفا:هههههههههههه لا لا الي قلتي بتجيبيها ..
ميساء:يوووه هيوفه والله نسيتها ... لحظه ..
رحت جبت البوك.. واعطيتها فلوس..
هيفا:بس؟؟
ميساء:ماتكفي 300؟؟
هيفا:ميساء انتي كريمه وانا استاهل..
ميساء:هيفا وين فلوسك ؟؟
هيفا:ميساء والله خلصت؟؟
ميساء:الله المصروف خلص .. ايش اشتريتي؟؟
هيفا:مو مهم.. المهم ابي فلوس..
ميساء:كم تبين؟؟
هيفا:اممممممممم على كيفك..
هيفا:اممممممممم على كيفك..
طلعت لها 500:شوفي حبيبتي هيفا.. ترى ماراح اعطيك غيرها.. وبعدين ابي اعرف الفلوس وين توديها ؟؟؟ تونا بدايه الشهر..
هيفا ما اعطتني أي اهتمام:اوكي باي..
ناظرتها وضحكت.. ودخلت الغرفه مره ثانيه اكلم خوله..

على الساعه 6ونص طلعت من البيت رايحه لبيت خوله... وقفت عند البوابه.. واتصلت عليها..
ميساء:الوو.
خوله:الوو هلا مومي..
ميساء:يالله اطلعي انا برى..
خوله:لا بنطلع اليوم مع سواقي..
ميساء:لا لا حبيبتي سيارتي جديده ابي استعرض..
خوله:والله ؟؟؟طلعت ..؟؟؟؟.
ميساء:ايه طلعت يالله بسرعه..
وبعد خمس دقايق.. نزلت خوله.. وشافت سيارتي البانوراما.. لونها ابيض.. ومن ورى مرسوم عيوني .. و طبعا لازم براقات وعدسات وخرابيط .. وكان تحت السياره لون ابيض .. كانت بصراحه روعه ...وغير الكلام الي لازم...
خوله دخلت السياره:ميساء تجنن,,
ميساء:ههههههههههه كويس.. شفتي الرسمه الي ورى.؟؟؟
خوله:لا.. فيه رسمه؟؟؟
ميساء:ايه .
خوله:ناصر وقف شوي..
وقف ناصر على الرصيف.. ونزلت انا خوله ..وشافت الرسمه...
خوله:ميساء تجننننننننننننننننن... مره حلو,,
ميساء:ههههههههههه ترى انا ام الافكار ,,,
المهم ركبنا السياره وانطلقنا على التحليه..
انا وخوله كاشفات ومتمكيجات.. وفاتحات البلوتوث.. والكل خاق عندنا..
وقفنا عند الإشارة.. السيارة الي بجنبهم تدق بواري.. التفتت,, وضحكت .. وفتحت الشباك..
ميساء:هاي..
راشد:هاي ميوسو .. وش هالسيارة؟؟؟ بصراحة شيء...
ميساء:ههههههههههه تسلم رشود ...

((راشد:: صاحبي في التحلية .. عمره 19سنه .. دايم انا معه اتمشى ... وكل ما يصير لي شيء بدون تردد اتصل عليه... راشد حلو.. له شنب خفيف مره.. لان ميساء قالت له انه احلى .. وان شاء الله تتعرفوا عليه زياده ..))

راشد:ولحظة عيونك الي ورى؟؟
ميساء:هههههههههه لا هذي عيوني"وأأشر على عيوني" بس الي ورى صورة لعيوني.. ايش راييك؟؟؟
راشد:اقول ميساء الإشارة فتحت .. اشوفك في الكافي ...
ميساء:اوكي..
راشد:خوله هاي..
خوله:هههههههههههه هايات امش الحين ونسلم بعدين..
ومشوا .. راشد سيارته لكزس ومره مع ميساء ...
راحوا للكافي ونزلوا ميساء وخوله للعايلات .. وكمان راشد ...
قعدوا وسوالف ..
راشد:غريبه سعود ما اعترض على السيارة ..
خوله:انت تقرى الافكار .. كنت راح اسألها نفس السؤال..
ميساء:ههههههههههههههه انا طلعت السيارة وخليت سعود واحمد يشوفوها قبل لا اسوي البلاوي الي عليها .. وبعد ما تأكدوا انها خاليه من الزيادات .. انا سويتها ...
راشد:هههههههههههههههههه خطيره ..
خوله:ميساء شوفي هذا الي قدامك ..
ناظروا الثنيتين..
ميساء:يا حلاته ...
راشد:هذا جديد هنا .. له يومين..
ميساء:تصدق اول مره اشوفه ..
خوله:مي تو ..
راشد:هذا كل يوم يجي هنا مع نفس البنت ...
خوله:لا يكون مخطوب ...
راشد:يمكن ..
ميساء:رشوود انت لك مهمه ... ابي اعرف كل شيء عنه ..
راشد:هههههههههههههه ليش؟؟؟
ميساء:والله ما احب اتميلح قدام واحد مخطوب ولا متزوج ...
خوله:اما علي انا.. بتميلح قدامه اذا كان كااااش
ميساء:ههههههههههههههههه ليش حبيبتي محمد مو مكفيك ؟؟ كل يوم جايب لك ساعه ولا عطر ...
خوله:هههههههههه لا ابي اكثر ..
ميساء:طماعه ..
راشد:خوله ...
خوله:نعم..
راشد:ترى محمد وراك مع وحده..
خوله:ايش؟؟
وتلف على ورى..
وشافت محمد مع وحده .. والبنت اخر ميك اب .. وعطرها واصل اخر العالم ..
ميساء:وش بلاك ؟؟
خوله:طيب يا حميدوه..
ميساء:بنت تراه مو زوجك..
خوله:لا انا بزعل علشان يراضيني..
ميساء:هههههههههههه خطيره..
وقامت خوله.. وراحت جهة طاوله محمد..
وقفت قدامه..
محمد شافها:خوله؟؟
خوله وتسوي نفسها زعلانه:كذا يا حمودي كذا... طيب انا زعلانه ..
وتسوي نفسها تصيح وتجي لي:مومي خلني اروح البيت الحين..
راشد:لا ابي اسولف مع ميساء..
خوله:راشد بعدين"وتغمز له"
راشد فهم عليها:طيب .. باي ميساء..
ميساء:باي شوشو..
وقامت واخذت البوك وجوال ومشيت بجنب خوله الي تمثل انها تصيح..
ميساء:خوله وت سب؟؟"خوله ماذا حدث"
خوله:في السيارة..
ركبنا السياره... وصارنا ندور..
خوله:ناصر روح طريق بيتنا بس لا تروح بيتنا..
ناصر:ان شاء الله ...
خوله:ميساء طلي اذا كان ورانا ولا لاء؟؟
ميساء طلت:ايه ورانا ... مسكين معرق ..ههههههههههههههههههههههه
خوله:ايه احسن.. علشان الهديه تكون شيء..
ميساء:ردي على جوالك..
خوله:لا هذا محمد..
ميساء:هاتي ارد انا ..
ردت ميساء:الوووو..
محمد:خوله والله///
ميساء:لا انا مو خوله انا ميساء..
محمد:طيب ابي خوله..
ميساء:ما تقدر تكلمك.. واصلا كيف ممكن تكلمك وهي شافتك مع وحده ..؟؟؟
محمد:ميساء بليز ساعديني..
ميساء:امممممممممممممم شوف انا بحاول على قد ما اقدر...
محمد:بليز ميساء..
ميساء:شوف يامحمد انا بهديها وبحاول انها تكلمك .. اوكي.. واذا ما وافقت بقول لك... طيب..
محمد:ما تقصرين ..
ميساء:اوكي باي..
وسكرت في وجهه وماتت ضحك ..
خوله:وش قال؟؟؟
ميساء:يقول يبي يكلمك .. ويبيني اراضي بينكم ...
خوله:لا بخليه يومين..
ميساء:لا اسمعي الكلام .. لا تكلمينه اسبوع ... وبعدين انا بتصل فيه واقول له انك مو راضيه .. وعندي اقتراح ,, جيب لها هديه حلوه,, وقول لها كم كلمه حلوه ... وترضى ... وش رايك؟؟
خوله:حلو..
وسكرت خوله جوالها ..
ميساء:ناصر حاول تضيعه ..
ناصر:ان شاء الله طال عمرك..
ومن جد محمد ضيعهم ..
رجعناا للعليا .. وكملنا التميلح.. واكثرهم لي ... بس الي ما أعطيهم وجهه يكلمون خوله...
مر اليوم عادي.. على روتينه .. ورجعت بعد ما خلصت من شباب العليا .. واخذت ارقامهم ... دخلت غرفتي .. رميت شنطتي على السرير .. وقعدت على كرسي السرير .. أحس بخنقه ... أحس بخوف ... على طول طلعت ورحت لـ هيفا ... دقيت الباب .. بس مافيه احد يرد ... دخلت شافت هيفا طايحه على الارض...
ميساء:هيفـــــــــــــــــــــــــــــــــــــا هيفا قومي...
وطلعت على طول غرفه احمد ... مايرد ..لانه طالع برى ... وراحت لغرفه ماما و بابا ... قالت لها الخدامه انهم سافروا .. ميساء نزلت ركض وراحت بيت اخوها سعود .. ودخلت ونادتهم..
ميساء:سعووووووووووووووووووووووووووووووووووووووود.. سعوووووووود اسمااااااااااااااااااااااااااااااااااااااااااا سعوووووووووووووووووووود الحق علي..
نزل سعود من فوق ركض:وش فيك ميساء؟؟
اصيح:هيفا طاحت على الارض..
سعود:ايش؟؟؟
اسما تطلع من الصاله:وش فيكم؟؟
ميساء:بسرعه بتموت البنت .. بسرعه سعود ..
سعود:طيب ثواني ..
رجعت للبيت وناديت الخدامات يطلعون هيفا لسيارتي ... وعلى طول اقرب مستشفى .. طلعت جوالي واتصلت على جوال ماما.. بس مغلق.. وكمان بابا نفس الشيء..
ميساء:ااااه يا ماما ويابابا متى تحسون ان وراكم عيال ؟؟؟؟ رحتوا ولا قلتوا وين رايحين..؟؟ ااه اصلا متى عرفنا وينكم..؟؟؟ كل حياتكم برى .. واذا اجتمعنا ..نجتمع مره في السنه..
كانت هذي العايله.. عايله بالورق بس .. ميساء كانت تحب احمد بس ما يقعد دايم معها .. وسعود لاهي بزوجته وشغله.. وابوها ماتدري وينه.. وامها تسافر ... كانت ميساء تحاول تخلي قلوبهم على بعض.. بس مافيه ذره امل ...
وصلت المستشفى .. وطلبت كرسي متحرك لهيفا.. وعلى طول دخلوها غرفه .. وانا وفقت خايفه.. دق جوالي.. شفت راشد يتصل بك.. ردت وانا اصيح:الوو..
راشد:اسف اختي هذا..//
ميساء تقاطعه:راشد الحقني..
راشد:ميساء وش بلاك؟؟
ميساء:هيفا..
راشد:ايه ايش فيها؟؟
ميساء:طاحت علي في البيت .. والحين هي في المستشفى ...
راشد:طيب ايش فيها ؟؟؟
ميساء:ماااااااااااااااااااا ادري.. راشد الحقني.. ماما وبابا سافروا وسعود حضره جنابه باقي يلبس.. واحمد ما ادري وينه..
راشد:يالله الحين جاي..
ميساء:اوكي يالله باي.,,
وسكرت منه وكملت صياح ... بعد خمس دقايق جا راشد يركض..
ميساء وقفت وانا اصيح:راشد..
راشد:هاه وش قالوا؟؟
ميساء:ما احد طلع..
راشد:طيب لحظه .. ولد خالي هنا خليني اكلمه واخليه يطمنا..
ميساء:الله يخليك بسرعه ..
راشد:ميساء اذا شفتي احد من اخوانك هنا قولي اسمه بصوت عالي علشان لا اطيحك في مشاكل خاصه مع سعود...
"راشد كان يخاف على ميساء ... وكان يعتبرها اخته,,, لانه يعرف مشاكلها وهي تعرف مشاكله.. اذا هو طاح في مشكله.... ميساء تفزع له.. وكمان العكس.."
اتصل راشد على واحد.. وكل شوي هدي ميساء..
ميساء شافت سعود جاي من بعيد..
ميساء:سعووووووووووووووووووووووووووووووود...
وراحت له تركض... وراشد انتبه لحركه ميساء بانها تنبيه له.. وراح شوي بعيد...
جا رجال وكلم راشد... ميساء قعدت شوي قريب من راشد... وسعود رايح جاي.. دخل الرجال..
بعد نص ساعه ..طلع وكلم راشد ... سعود راح للرجال:خير اخوي في البنت شيء؟؟
الرجال:بصراحه... فيه شريان تسكر والصمام الثقب الي فيه كبر وحالتها خطيره...
ميساء من سمعت هالكلام صاحت بصوت عالي...
وكمل الرجال:والحين يسوون لها عمليه عاجله..
ميساء ناظرت راشد وراشد ناظرها..
مو معقوله .. راشد قول انهم يكذبون ..
راشد فهم علي.. وقف وساسر الرجال الي يكلم سعود..
الرجال:ممكن ياخوي تتفضل معي للمكتب..
سعود:طيب.. ميساء انا بروح وبرد..
ميساء :,,,,,,,,,,,,,,,,,
راح سعود وقرب راشد لي..
راشد:ميساء لا تسوي كذا بنفسك .. انشاء الله هيفا بخير..
ميساء:كيف بخير والثقب كبر وشريان انسد ؟؟؟
راشد:ربك كريم...
ميساء:راشد والله انا ما بيها تموت ..
راشد:ميساء هيفا ما بتموت .. لا تخافين..
دق جوال راشد .. وقام على طول,,, واول ما قام سعود رجع لهم..
ميساء:سعود وش قال؟؟
سعود:بخير هي الحين.
ميساء:لا تكذب علي.. سمعته يقول الثقب كبر.. لا تكذذذذذذذذذذذذذذذذذذذب علي..
وغطيت وجهي بيدي وصحت .. سعود ناظرني .. بس سكت ..
راشد من بعيد .. يراقب.. كان وده يخفف عني.. اعرفك يا راشد ... طيب وحنون علي..
وبعد مرور ساعه .. جا احمد..
احمد:خير وش صار؟؟
ناظرته:وانت توك تدري ان هيفا في المستشفى؟؟؟
احمد:ميساء كنت برى البيت ..
ميساء:اصلا انتوا متى في البيت ؟؟؟
سعود:ميساااااااااااااااااااااااااااااااااا
ميساء:نعم .. خير..؟؟؟ ايش تبوني اسوي؟؟؟ اقعد اصفق لكم.. واختي بتموت ..
احمد:ايش؟؟ بتموت؟؟
سعود:هيفا الثقب الي في قلبها كبر.. والشريان انسد..
احمد:لا حول ولا قوه الا بالله..
رديت بكل عصبيه:انت جيت بعد ساعه.. ابوك متى بيجي..؟؟؟ بكره..
سعود:ميساء ابوه ابوك..
ميساء:احس نفسي يتيمه .. تعرف ليه؟؟,,, لان كل واحد مهتم لثاني .. انت متى اشوفك؟؟,,, و لا انت يا احمد .. متى فكرت تقعد مع هيفا .. انا باليا الله اقعد مع اخر الليل ... وبابا متى قعد اسبوع كامل معنا .. شهور ما ادري عنه شيء ... واذا قعد ماشفناه .. كله في الاجتماعات .. وماما .. اوكي تقعد معنا .. بس كم .. ساعه ساعتين .. والباقي في المجالس وعند صاحباتها ... متى فكرتوا في اخواتكم؟؟؟ متى قلتوا ان هيفا تعبانه خلونا نسال كيفها؟؟
سعود:مو وقت هالكلام الحين يا ميساء .. احنا في مكان عام...
ميساء:وانت ما همك الا المكان.. ومتى تبني اتكلم؟؟؟ اذا ماتت هيفا...
سعود:ميساء روحي اقعدي..
ميساء:بروحي واخليك.. الله لا يخليك ..
وقف سعود وعصب واستغرب.. ميساء تدعي عليه.. واحمد خاف على ميساء من سعود..
سعود:مـ
احمد:سعود خلاص..
قعدت على الكراسي و اصيح .. وصلني مسج... فتحته ..
راشد..
ميساء هدي شوي.. خلاص مابيصير شيء..

ااه ياراشد.. انت الوحيد الي تدري بالي فيني.. اااه .. يا رب ... يارب ان هيفا تقوم بالسلامه ...

مرت ساعتين..
الكل على اعصابه.....


مرت ثلاث ساعات ..
ميساء بس تسب في اخوانها.


مرت اربع ساعات...
ميساء ترسل لراشد يشوف ايش صار وتصيح


مرت خمس ساعات...
الكل تلفت اعصابه


مرت ست ساعات...
والكل حس بخنقه ... العبره ...


واخيرا طلع الدكتور...
ركضنا صوبه:بشر يا دكتور..


ايش راح يصير مع هيفا؟؟؟

بتقوم على خير ولا لاء؟؟؟

):


sois comme tu sois, pauvre ou bien roi, la mort ne fait pas le choix.


Revenir en haut
MSN
Publicité






MessagePosté le: Dim 24 Mai - 12:14 (2009)    Sujet du message: Publicité

PublicitéSupprimer les publicités ?
Revenir en haut
Montrer les messages depuis:   
Poster un nouveau sujet   Répondre au sujet    منتدى الفتيات Index du Forum -> التسلية والترفيه -> القصص الواقعية والمؤثرة
Toutes les heures sont au format GMT
Page 1 sur 1

 
Sauter vers:  

Index | Creer un forum | Forum gratuit d’entraide | Annuaire des forums gratuits | Signaler une violation | Conditions générales d'utilisation
Powered by phpBB © 2001 - 2005 phpBB Group
Theme ACID v. 2.0.18 par HEDONISM
Traduction par : phpBB-fr.com